Al Kawi - Pacah Pinang Kacolok Kain

Pacah Pinang Kacolok Kain - Al Kawi

Lindok lah dama di ambuih angin
Ratak kaco indak ka barubah
Kama batenggang si badan diri
Kamari tabang tiok sabanta
Kama batenggang si badan diri
Kamari tabang tiok sabanta

Kok kasiah habih usah salahkan
Dek lamo surang badan sangsaro
Cinto kini kama disangkuikkan
La indak ado kawan ba iyo
Cinto kini kama ka disangkuikkan
La indak ado kawan ba iyo

Malang bana oi kanduang ei
Nan ko bana nasib diri
Galak nan indak diak ei...
Ka mahapuihkan ei...

Di pacah pinang ka colok kain
Dek harok ragi batuka rono
Disiko gamang sijantuang hati
Cameh kok rusuah batambah juo
Disiko gamang sijantuang hati
Cameh kok rusuah batambah juo

Oi adiak kanduang tolong dangakan
Pa arek cinto nyampang kok iyo
La lapuak badan den manantikan
Sapatah kato paubek tanyo
La lapuak badan den manantikan
Sapatah kato paubek tanyo

Malang bana oi oi kanduang ei
Nan ko bana nasib diri
Galak nan indak diak ei..
Ka mahapuihkan ei...

Hari ka hari di agah bayang
Tasisiah badan yo di nan rami
Tatumpa cinto yo ka nan tingga
Tasangkuik harok yo ka nan kini
Tatumpa cinto yo ka nan tingga
Tasangkuik harok yo ka nan kini

Hanyo ka tuhan denai sarahkan
Kalau ka jodoh batamu juo
Bialah kini badan manyasa
Pado isuak mandi aia mato
Bialah kini badan manyasa
Pado isuak mandi aia mato

Malang bana oi kanduang ei
Nan ko bana nasib diri
Galak nan indak diak ei
Ka mahapuihkan ei..

Al Kawi - Mambangun Nagari

Lirik Lagu Mambangun Nagari - Al Kawi

Sikaduduak oh la rabah kini

Ditimpo kayu rabahsanyo

Elok disilau kampuang kini

Oh mari mambangun basamo samo diak

Oi nan ka bukik dun sanak samo mandaki o lalai

Nan ka lurah samo dun sanak samo manurun ondeh

Nan ka lurah samo dun sanak samo manurun

Oi nan sarantak saayun langkahkan kaki o lalai

Mari basamo dun sanak kito mambangun ndeh...

Mari basamo dun sanak kito mambangun

*

Oi nan kok bulek  lah buliah samolah kito golong

Nan kok picak dun sanak samo dilayang ndeh

Nan kok picak dun sanak samo dilayang

Mari basamo dun sanak ba la gotong royong o lalai

Kito mambangun dun sanak oi ranah minang ndeh

Kito mambangun dun sanak oi ranah minang

Hilangkan sajo silang sangketo ndeh

Marilah kito dun sanak yo ba usaho

Bahu mambahu oi basamo samo ndeh..

Mambangun kampuang dun sanak nan kito cinto

Repeat *

Al Kawi - Sulik Maulua Tangan

Sulik Maulua Tangan - Al Kawi

Sugi-sugi lah didalam parak
Pandan lah diangan lah nak jadi sumpik
Datak hati lai bakandak
Ta agan lah dek badan diak oi lah tapauik
Ta agah lah den badan diak oi
Ondeh... iyo... ondeh lah tapauik

Oi sumaniak lah ditanah data
Limonyo kaum diak ka duonyo
Ka mamatiak kami tak bisa
Harumlah kok lai tingga sapaduo
Ondeh... iyo... tingga sapaduo

Oi tandikek lah jo gunuang sago
Oi nan marapi lah disapu awan
Oi nan marapi lah disapu awan

Ulah takabek lah sibanang suto
Kami lah suluik lah maulua tangan
Kami lah suluik lah maulua tangan

Panjang panjang alah batang banio
Bialah nak masiak lah si kayu rumin
Kanyang kanyang si aia mato
Oi dek mamakai rasi ka mungkin
Ka mamakai lah raso
Ondeh... iyo..ondeh tak ka mungkin

Pandai sikek alah jo padang panjang
Panyalaian alah jalan mandaki
Iyo lah di upek lah si ari patang
Manga pagilah tak datang duo kali
Manga pagilah tak datang
Ondeh,,, iyo iyo duo kali

Randang sipuluik lah bakalah ampiang
Kaka sapucuak lah si bareh carai
Kaka sapucuak lah si bareh carai

Lah biaso lah yo nak sairiang
Jalan lah sampik lah cameh tak sampai
Jalan lah sampik lah cameh tak sampai

Al Kawi - Antah Iyo

Antah Iyo - Al Kawi

Antah iyo... antah tido
Antah tido... kadang kadang iyo

Baitu adiak bakato
Di siko denai mako bimbang
Di ma denai ka picayo
Dalam angguak, adiak manggeleang

Tadayo... denai tadayo, sayang
Tabuai denai dek angan
Di lahia bantuak ka iyo, sayang
Di batin, adiak ko anggan

Antah iyo,,, antah tido
Antah tido... kadang kadang iyo

Dibibia batanam tabu
Pario denai rasokan
Disiko denai mako ragu
Di nan langah adiak tinggakan

Den balah... kayu den kapiang, sayang
Den buek pahampang banda
Adiak bak cando pimpiang di lereang, sayang
Ka ma angin, ka sinan adiak rabah

Al Kawi - Urang Sariak

Urang Sariak - Al Kawi

Urang sariak pai ka ladang ondeh
Manjinjiang balam jo sangkaknyo iyo
Urang sariak, sariak, urang sariak, sariak
Urang sariak yo sariak e...
Urang sariak, sariak, urang sariak, sariak
Urang sariak yo sariak e...

Tali ka denai rantang panjang ondeh
Usah baniaik mamutuihnyo iyo
Urang sariak, sariak, urang sariak, sariak
Urang sariak yo sariak e...
Urang sariak, sariak, urang sariak, sariak
Urang sariak yo sariak e...

Rumah ladang... ladang, ladang, ladang
dindiang palupuah , nan kanduang oi
Nan batonggak... tonggak tonggak tonggak
Batangnyo lansano nan kanduang oi

Bia banang banang nak basuo
Alang alang ka den anjuang juo

Al Kawi - Situjuah

Situjuah - Al Kawi

Nan situjuah bana nyo dalam
Nan lah sakambuik pinang mudonyo
Nan lah sakambuik pinang mudonyo

Ramuak bana hati didalam
La nan digalak manihkan juo
La nan digalak manihkan juo

Bajelo-jelo malah kapandan
Bia den jalin nan dikatuduang
Baibo-ibo malah badan
Nan bak panggang manggalang gunuang

Lah masak padi di situjuah
Urang manyabik lah tuo mudo
Urang manyabik lah tuo mudo

Nan dirantau hati den rusuah
La nan ka pulang raso lah bedo
La nan ka pulang raso lah bedo

Tumbuah lah rumpuik nan dipamatang
Mati rang lendo lendo sajo
Baniaik bana badan pulang
Nan dikampuang sagalo tido

Al Kawi - Dendang Parantauan

Lirik Lagu Dendang Parantauan - Al Kawi

Gajai...
Lapeh nan dari muaro kalaban
Ka solok alun lai sampai
Jalan balimpik ka nan basuo
Andak manjalang guguak sarai
Antah dima jalan nan ka luruih
Tabedo bana malam badan diak e...
Tiok kakok tabang kalai
Lah dipacik lapeh juo
Dima bagayuik tagurajai
Tagak dinan kabeh diak ei...
Tagaru... bu..ih

*
Dimaninjau padi lah masak o lalai
Batang kapeh batimpo jalan
Hati nan risau den bao galak o sayang
Nan bak paneh manganduang hujan

Pado mananam lobak lambaw o sayang
Elok si sawi den tugakan
Pado manahan hati risau diak kanduang
Elok nagari den tinggakan

Hari nan sadang patang patang o sayang
Nan badendang parintang rusuah
Pado nyo bansaik den bao pulang o lalai
Elok lah rantau den pajauah

Repeat *

Al Kawi - Angan di Hati

Lirik Lagu Angan di Hati - Al Kawi

Dilubuak lasiah jalan mandaki
Di kayu aro taraso dingin
Sitinjau lawuik nan tanamo

Bara ka padiah dalam hati
Lauik lah lamo den pacamin
Izin balaya indak ado

*
Ondeh... ambiak talang panjang baukia
Parintang hati dimalam hari
Urang bagurau basaluang dendang

Patuik anggan adiak balayia
Harok dapek si kapa basi
Jo denai hanyo barakik batang pisang

Bialah denai nak banyanyi
Paubek hati sadang risau
Dikarang pantun jo dendangnyo

Taisak tangih malam tadi
Angan di hati ndak kapulau
Karam ditapilah jadinyo

Pai kamudiak lai den namuah
Hari nan sadang tangah hari
Pulang manjalang patang juo

Disiko mangko den ka rusuah
Urang ulik dapek den nanti
Urang anggan apo ka dayo

Repeat *

Al Kawi - Samanjak Ayah Tiado

Lirik Lagu Samanjak Ayah Tiado - Al Kawi

Nan samanjak ayah tiado
Gamang jo rusuah dalam hati
Dulu samaso ayah lai ado
Tampek baibo di badan kami

Mandeh dikampuang tingga surang
Kami dirantau mancari hiduik
Lai baniaik acok nak pulang
Nan dirantau bansaik bagaluik

Badan dirantau abtin dikampuang
Angan ka mandeh lah tingga surang
Ka nan kuaso denai pinto kan
Mandeh dikampuang tolong sanangkan

Oi tangah malam duduak bamanuang
Sinan takana untuang badan
Usah baibo mandeh dikapuang
Doanyo mandeh kami harokkan

Al Kawi - Tacinto Rang Nan Jauah

Lirik Lagu Tacinto Rang Nan Jauah - Al Kawi & Eti Ambo

Pandang lahia sakirok mato lalai
Batin manggiliak malinteh gunuang ndeh sayang
Uda manari diruang mato sayang
Mangkonyo denai duduak bamanuang
Uda manari diruang mato sayang
Mangkonyo denai duduak bamanuang

Dalam lalok datang rasian ndeh kanduang
Badan tasintak hati den rusuah nan kanduang
Bukan den sakik indak do damam sayang
Badan tacinto jo urang nan jauah
Bukan den sakik indak do damam sayang
Badan tacinto jo urang nan jauah

Risau hati tananglah baa nak jan tampak hati nan ragu
Silaulah baa agak sabanta buliah taubek hati nan rindu
Risau hati tananglah baa nak jan tampak hati nan ragu
Silaulah baa agak sabanta buliah taubek hati nan rindu

Batambah laruik dalam hati ndeh sayang
Nan dek angin sampaikan pasan o lalai
Raso ka putuih rangkauan hati sayang
Uda malinteh dalam lamunan
Raso ka putuih rangkaian hati sayang
uda malinteh dalam lamunan

Al Kawi - Ranah Minang Manangih

Lirik Lagu Ranah Minang Manangih - Al Kawi

Indak tabado ibo hati
Rusuah nan indak alang kapalang
Ranah minang sadang manangih
Urang kampuang tolong, tolong patenggangkan

Malang tibo dikampuang awak
Musibah datang tibo-tibo
Musibah datang tibo-tibo
Hari patang gampo mahoyak
Lah luluah lantah nagari kito
Lah luluah lantak nagari kito

Caliak baa rang dirantau
Hey ranah minang sadang manangih
Hey ranah minang sadang manangih
Urang banyak tolonglah silau
Bujuaklah isak nan jo tangih
Bujuaklah isak nan jo tangih

Baniaik bana badan pulang
O Ayah oi... sialah urang
Den tapati hilang di luluah gampo gadang

Nyao hilang harato abih
Hey gadang keteknyo nyao malayang
Hey gadang keteknyo nyao malayang
Ka nan kuaso lah basarah diri
Sabakan baa kami nan malang
Sabakan baa kami nan malang

Hiduik didunia tolong manolong
Pahalo Allah mambarinyo
Pahalo Allah mambarinyo
Mari kito bagotong royong
Nak elok baliak nagari kito
Nak elok baliak nagari kito